Kalurahan Tepus

TEPUS (desatepus.gunungkidulkab.go.id) - Ing dinten Sening Pahing (14/07/2025) masyarakat ing tlatah Dloko (Walangan, Kanigoro, Dongsari, lan Pacungan) ugi ngawontenaken adat Nyadran ing petilasan Mbah Panjer.  Miturut pangandikaning para sesepuh, ing Alas Panjer menika rikala semanten ingkang dipun ginakaken manjer kitiran.  Kitiran menika wau ngedalaken swanten "Dlok .. Dlok .. Dlok ".  Para tiyang saking katebihan lajeng tanglet babagan swanten menika, dipun wangsuli : " sing swara dlok ,, dlok ,, iku seko kono iko ..". Kacarios saking tetembungan Dlok ,, dlok ,, kono iko .. lajeng papan ing tlatah menika wau kasebat DLOKO.