Kalurahan Tepus

Tepus (desatepus.gunungkidulkab.go.id) - Dinas Kebudayaan utawi Kundha Kabudayan Kabupaten Gunungkidul ngawontenaken tetandhingan ingkang kasebat Kompetisi Bahasa dan Sastra Jawa. Wernining tetandhingan inggih punika : Alih Aksara, Geguritan, Maca Cerkak, Macapat, Sesorah, Pranatacara, lan Mendongeng.

Saking tetandhingan menika wau tiga putra lan putri saking Kalurahan Tepus pikantuk kajuwaran.  Julio Ramadani minangka Panyarta Pinunjul 4 tetandhingan Maca Cerkak, Abel Tri Anggraeni minangka Panyarta Pinunjul 2 tetandhingan Pranatacara, lan Nafisa Aulia minangka Panyarta Pinunjul 3 tetandhingan Geguritan Dewasa.

Julio menika putranipun Bp Suyanto lan Ibu Sukiyem ingkang mapan ing Padukuhan Jeruk, dene Abel lan Nafisa menika saking Padukuhan Tegalweru. Kekalihipun putri saking Bp Subandi lan Ibu Muji Lestari.